Линктер

ЧУКУЛ КАБАР!
17-Июнь, 2024-жыл, дүйшөмбү, Бишкек убактысы 23:53

Рахмон менен Мирзиёев Яван ГЭСин куруу долбоорун ачышты


Эмомали Рахмон жана Шавкат Мирзиёев ГЭС куруу долбоорунун ачылышында.
Эмомали Рахмон жана Шавкат Мирзиёев ГЭС куруу долбоорунун ачылышында.

Тажик президенти Эмомали Рахмон Өзбекстанга расмий сапарынын алкагында 2-июнда өзбек президенти Шавкат Мирзиёев менен бирге Яван гидроэлектростанциясынын (ГЭС) курулушунун башталышына арналган иш-чарага катышканын Өзбекстан лидеринин басма сөз кызматы билдирди.

Мекеменин маалыматына караганда, бул курулуш эки өлкөнүн энергетика тармагындагы кызматташтыгы алкагындагы алгачкы долбоор. Кубаттуулугу 140 мегаватт боло турган заманбап станция эки мамлекеттин энергетикалык коопсуздугун, суу жана агрардык секторлорунун туруктуулугун камсыз кылууда маанилүү роль ойной турганы белгиленди.

“Долбоорду каржылоого кызыгуусун алдыңкы эл аралык институттар, анын ичинде Азия өнүктүрүү банкы жана Европа реконструкция жана өнүктүрүү банкы билдирип жатышат” деп айтты өзбек тарап.

Тажик президенти Өзбекстанда расмий сапарда 2-3-июнь күндөрү болду.

Яван ГЭСи курула турган Зарафшан дарыясы Өзбекстанды жана Тажикстанды аралап агат.

Буга чейин Кыргызстан “Камбар-Ата-1” ГЭСин кура баштаганын жана бул долбоорго Казакстандын катышуу ыктымалдыгын маалымдаган. Долбоорго кызыгуусун казак президенти Касым-Жомарт Токаев да билдирди. Май айынын соңунда Бишкекке сапары учурунда ал инвестициялык кызматташтык үчүн келечектүү долбоорлор тизмесин түзүүнү сунуштап, алардын бири аталган ГЭС боло аларын белгиледи. (RK)

Facebook шеринеси

XS
SM
MD
LG