Линктер

ЧУКУЛ КАБАР!
8-Август, 2022 дүйшөмбү, Бишкек убактысы 18:30

Сурамжылоо: Жумушсуздук жана баалардын жогорулашы негизги көйгөй деп аталды


Бишкек. Жумуш издеп көчө боюнда отургандар. Иллюстрациялык сүрөт.

Жумушсуздук жана баалардын жогорулап кетиши бүгүнкү күндө Кыргызстанда негизги көйгөй экенин жыйынтыгы 29-июнда жарыяланган сурамжылоонун катышуучулары билдиришти.

“Жалпы өлкө үчүн негизги көйгөй кайсылар?” деген суроого жооп бергендердин 66% экономикалык абалды, жумушсуздукту, баалардын жогорулашын, 35% коррупцияны, 18% суу маселесин аташкан.

Ал эми “Жеке сиз жана үй-бүлөңүз үчүн кайсы проблемалар негизги көйгөй?” деген суроого 24% жумушсуздук, 20% каржылык көйгөйлөр, акчанын жетишсиздиги жана 14% баалардын жогорулашы деп жооп беришкен.

Сурамжылоого катышкандардын 85% Кыргызстан бүгүнкү күндө туура багытта баратканын белгилешкен. Бул көрсөткүч 2020-жылдын августунан бери дээрлик эки эсе жогору болуп чыкты. Акыркы жолу эң жогорку көрсөткүч 2017-жылдын ноябрында белгиленген. Анда өлкө туура багытта баратканын сурамжылоого катышкандардын 66% белгилеген.

Республиканын бардык аймактарында 18 жаштан жогору курактагылар арасында кыргыз, орус жана өзбек тилдеринде жүргүзүлгөн сурамжылоо быйыл 7-20-апрель күндөрү өткөн. Аны АКШнын Эл аралык республикалык институту (IRI) уюму жүргүздү. (RK)

Facebook шеринеси

XS
SM
MD
LG