Линктер

ЧУКУЛ КАБАР!
11-Август, 2022 бейшемби, Бишкек убактысы 16:56

АКШ Европадагы аскердик күчтөрүн бекемдейт


Кошмо Штаттардын президенти Жо Байден менен НАТОнун баш катчысы Йенс Столтенберг. Мадрид. 29-июнь, 2022-жыл.

АКШ Европадагы күчтөрүн бекемдеп, бул чөлкөмдөгү өнөктөш өлкөлөргө кошумча аскердик техника жөнөтөт. Бул тууралуу Кошмо Штаттардын президенти Жо Байден 29-июнда НАТОнун Мадриддеги саммитинин алкагында аскердик альянстын баш катчысы Йенс Столтенберг менен жолугушуусунда билдирди.

Анын айтымында, Испаниянын Рота шаарындагы америкалык аскердик кемелердин саны төрттөн алтыга көбөйөт. Польшада АКШ армиясынын 5-корпусунун туруктуу баш кеңсеси ачылат. Ошондой эле маал-маалы менен курамы алмашып туруучу бригада Румынияга жөнөтүлөт. Байден билдиргендей, бул бригаданын 3 миңдей жоокери жана 2 миң аскерден турган согуштук тобу болот.

"Биз Балтика өлкөлөрүндөгү алмашып туруучу күчтөрүбүздү бекемдейбиз жана кошумча F-35 эскадрильяларын Британияга жөнөтөбүз. Ошондой эле Германия менен Италияга кошумча абадан коргонуу системасын жана башка жабдыктарды жайгаштырабыз", - деди Байден.

Ал Орусия Европадагы тынчтыкка шек келтирип жатканын, НАТО уюму жердеги, асмандагы жана деңиздеги бардык коркунучтарга даяр экенин кошумчалады.

Москва 24-февралда Украинага кол салгандан кийин НАТО Европанын чыгышындагы өнөктөш өлкөлөрдөгү аскердик күчтөрүн бекемдөөгө киришкен.

Facebook шеринеси

XS
SM
MD
LG