Каракол шаарынын Кашка-Суу кичи районундагы батирлердин биринен 56 жана 57 жаштагы эки аялдын сөөгү табылган. Милиция алардын денесинде бычактын тактары бар экенин аныктаган. Батирден канга боёлгон бычак да табылганын Ысык-Көл облустук ички иштер башкармалыгынын басма сөз кызматы билдирди.
Бул ишке шек саналып, мурда бир нече жолу соттолгон 44 жаштагы адам кармалган. Анын үйүн тинтүү учурунда кара куурай жыттанган суюктук жана баңги зат кошулган спирт алынган.
Шектүүгө Кылмыш кодексинин 283-беренеси (Маңзат, психотроптук заттарды сатуу максатысыз мыйзамсыз даярдоо) менен кылмыш иши козголуп, милициянын убактылуу кармоочу жайына киргизилди. Соттук-медициналык экспертиза дайындалды. Учурда анын аялдардын өлүмүнө катышын аныктоо боюнча иликтеп-тергөө иштери жүрүп жатат.(ZKo)
Facebook шеринеси