Украинадагы согуш башталгандан бери Орусия өзөктүк курал колдонуу ыктымалдыгын бир нече жолу эске салып келген. Орусиянын аскердик доктринасына ылайык өзөктүк курал колдонуу мамлекеттүүлүккө коркунуч жаралган учурда гана аргасыз чара катары каралган. Москва жасалма референдумга таянып, Украинанын Херсон жана Запорожье облустарын өзүнө кошуп алгандан кийин, кырдаал өзгөрдү. Орусия Украинаны "ыплас бомба" колдонууга даярданып жатат деп айыптады. "Ыплас бомба" деген эмне? Украинада радиоактивдүү курал колдонулат деген кооптонуулар канчалык негиздүү? "Биз жана дүйнө" берүүсүндө жооп издедик.