Украинаны алдыдагы айларда кыйын кезең күтүп жатат, Орусиянын аскердик дараметин эстен чыгарбоо зарыл. Мындай пикирин 14-ноябрда НАТОнун баш катчысы Йенс Столтенберг билдирди.
Ал Херсон шаарын кайтарып алган украин жоокерлеринин “эбегейсиз эрдигин” кубаттады жана Киевге жардам берүүнү улантууга чакырды:
“Алдыдагы айлар кыйын болмокчу. Путин Украинаны кышында жарыксыз, жылуулуксуз калтырууну көздөйт. Биз жолубуздан тайбоого тийишпиз”, - деп айтты Столтенберг Гаагада Нидерланддын премьер-министри менен кездешүүдө.
Орус аскерлери Украинанын жарандык инфраструктурасын, жылуулук станцияларын, суу түтүктөрүн, көпүрөлөрдү аткылап келатат.
Бир катар аймактардп, анын ичинде өткөн аптанын этегинде бошотулган Херсондо гуманитардык кыйын абал түзүлдү.