Юстиция министрлигине караштуу Жазаларды аткаруу кызматынын Жалал-Абад шаарындагы №10 абагы көчүрүлө турганын калаа мэриясы билдирди.
Маалыматка караганда, жаңы абакты шаардан 25 чакырым алыстыкта жайгашкан Базар-Коргон районунун Бешик-Жон айылына куруу пландалып жатат. Ал үчүн айылдагы Сары-Талаа аймагынан жер берилген.
Азыр жабык жайдын пайдубалын курууга даярдык иши жүргүзүлүп жатат.
Мындан сырткары шаардагы №53 тергөө абагын да Сузак районунун Арал айылына көчүрүү жумуштары башталды.
Буга чейин Бишкектеги №47 колония толугу менен бузулуп, анда кармалган соттолуучулар башка жайларга которулган. (TB)
Дагы караңыз
