Линктер

ЧУКУЛ КАБАР!
20-Май, 2024-жыл, дүйшөмбү, Бишкек убактысы 15:43

Бишкек жана Чүйдөгү ишканаларга газ берүү убактылуу токтотулду


Иллюстрациялык сүрөт.
Иллюстрациялык сүрөт.

"Газпром Кыргызстан" биргелешкен компаниясы Бишкек шаары жана Чүй облусундагы ресторан, кафе, мончо жана өндүрүш үчүн жаратылыш газын пайдаланууга убактылуу чектөө киргизди.

Бул тууралуу “Газпром Кыргызстан” компаниясынын басма сөз кызматы 19-январда "Азаттыкка" билдирди. Компания муну Казакстан аркылуу республиканын түндүгүн жаратылыш газы менен камсыз кылган магистралдык газ куурундагы басымдын азайгандыгы менен түшүндүрдү.

Биринчи кезекте калкты жана социалдык объектилерди (бала бакчалар, мектептер, жылуулук мекемелери) газ менен камсыз кылуу максатында ушундай чечим чыгарылганы белгиленген.

Маалыматта жыл башынан бери өлкөдө бардык категориядагы керектөөчүлөргө газ берүү 35% көбөйгөнү айтылат.

Энергетика министри Таалайбек Ибраев 19-январда Жогорку Кеңеште маалымат берип жатып, Кыргызстанда газ маселеси чечилмейинче, электр энергиясын өчүрүүлөр боло берерин билдирген. Министр электр жарыгын маал-маалы менен өчүрүү газ басымынын азайышы менен байланыштуу экенин да айткан.

“Газпром-Кыргызстан” биргелешкен компаниясынын өкүлү Арзымат Алдаяров Кыргызстанга газ стабилдүү жана келишимде көрсөтүлгөн көлөмдө ташылып келип жатканын айтып, газдын басымы төмөндөгөнүн четке каккан болчу. (КЕ)

Facebook шеринеси

XS
SM
MD
LG