Линктер

ЧУКУЛ КАБАР!
21-Апрель, 2024-жыл, жекшемби, Бишкек убактысы 05:08

Бишкектин четиндеги беш конушка газ берүү маселеси талкууланды


Бишкектеги жаңы конуштардын бири. Архив.
Бишкектеги жаңы конуштардын бири. Архив.

Бишкекте дагы беш жаңы конушка газ киргизүү маселеси талкууланды. Бул тууралуу 30-январда Бишкек шаардык мэриясында өткөн абанын булганышы боюнча мекемелер аралык комиссиянын жыйынында айтылды.

Мэриянын маалыматына караганда, жыйында 2023-жылы Ак-Тилек, Ак-Тилек- 2, Ак-Тилек (турбаза), Бакай Ата, Ала-Арча конуштарын газдаштыруу планы каралды.

2024-2025-жылдары Бишкектин чеке-белиндеги конуштарды толук газдаштыруу боюнча жол картасы иштелип жатат. Шаар башкармалыгы муну менен калаадагы ыш маселесин чечүүнү көздөөдө.

Мэр Эмилбек Абдыкадыров 2023-жылы газ киргизүүдөн тышкары альтернативдүү энергия булактарын орнотуу боюнча иштер пландалып, муниципалдык отканаларда көмүрдү жагууну токтотуу каралып жатканын айтты.

Жыйында Казакстандан жогорку сапаттагы көмүр алып келүү, таштандыларды кайра иштетүү заводун куруу, таштанды ташыган 500 автоунаа сатып алуу керектиги айтылды.

Дүйнөдөгү абасы кир шаарлардын рейтингин чыгарган World Air Quality уюмунун индексинде ушул күндөрү Бишкек биринчи сапта турат.

Министрлер кабинетинин төрагасы Акылбек Жапаров 20-январда райондук мамлекеттик администрациялардын жана жергиликтүү өз алдынча башкаруу органдарынын жетекчилеринин катышуусунда өткөн республикалык кеңешмеде Бишкек мэри Эмилбек Абдыкадыровго ыштан арылуу боюнча тез арада план иштеп чыгуу тапшырмасын берген. (BCh)

Facebook шеринеси

XS
SM
MD
LG