Линктер

ЧУКУЛ КАБАР!
23-Апрель, 2024-жыл, шейшемби, Бишкек убактысы 23:07

Талас: Жемкорлукка шек саналган вице-мэр жана кеңеш төрагасы үй камагына чыкты


Таластагы аткаминерлерди кармоо учуру.
Таластагы аткаминерлерди кармоо учуру.

2-февралда Талас шаардык соту коррупцияга шек саналып кармалган шаардык кеңештин төрагасы Адылбек Жусупбековду үй камагына чыгарганын 3-февралда "Азаттыкка" облустук соттун басма сөз катчысы Нурдин Байжигитов билдирди.

1-февралда шаардык сот вице-мэр Максат Байжигитовду да үй камагына чыгарган. Кармалгандарды үй камагына чыгарууга Улуттук коопсуздук боюнча мамлекеттик комитеттин (УКМК) өтүнүчү себеп болгон.

Буга чейин шаардын муниципалдык менчик башкармалыгынын жетекчиси Марат Долдоев жана шаардык кеңештин вице-спикери Азиз Курамаев да үй камагына чыгарылган.

УКМК Талас шаардык мэриясындагы жер тилкелерин ижарага берүүдөгү коррупциялык схемага байланыштуу Байжигитов, Долдоев, Жусупбеков, анын орун басары Курамаев кармалганын 10-январда билдирген. Атайын кызмат 2020-2022-жылдардагы коррупциялык схемалардын алкагында бюджетке келтирилген чыгымдын суммасы 30 миллион сомдон ашканын жарыялаган.

Талас шаардык кеңешинин депутаттары жергиликтүү жетекчилер мыйзамсыз кармалганын, шаардык бюджетке ижара акыдан көп акча түшпөй турганын айтып чыгышкан. (MKt)

Facebook шеринеси

XS
SM
MD
LG