Кемпир-Абад иши боюнча абакта жаткандардын жакындары аларды бошотууну талап кылып нааразылык акция өткөрдү. Аталган иштин алкагында отуздай киши камакка алынган. Орусиянын күчтөрү Украинанын Херсон шаарына сокку урганын жергиликтүү бийлик билдирди. Ал арада көз карандысыз иликтөөчүлөр орус аскерлери Украинанын бир топ аймактарында согуш кылмыштарын жасаганын белгилешти. Бишкекте жана Аксынын Боспиек айылында "Аксы окуясы" эскерилди. Иш-чарада жабырлануучулар ошол кездеги бийликтин куралсыз элге ок атканына укуктук баа берилбей калганына нааразылыгын билдирди.