Линктер

ЧУКУЛ КАБАР!
28-Май, 2024-жыл, шейшемби, Бишкек убактысы 04:45

Кыргыз-венгер өнүктүрүү фондунун жетекчиси камакка алынды


Темирбек Эркинов
Темирбек Эркинов

Кыргыз-венгер өнүктүрүү фондунун башкармалык төрагасы, Министрлер кабинетинин төрагасы Акылбек Жапаровдун кеңешчиси Темирбек Эркинов 3-июлга чейин камакка алынды.

Мындай чечимди Бишкектин Биринчи Май райондук соту 4-майда чыгарды. Сот чечимине ылайык, Темирбек Эркинов Улуттук коопсуздук боюнча мамлекеттик комитетинин (УКМК) тергөө абагына киргизилди.

Бул тууралуу Биринчи Май райондук сотунун кеңсесинен "Азаттыкка" билдиришти.

Айрым маалымат каражаттары Темирбек Эркинов коррупция боюнча мурдараак козгогон кылмыш ишинин алкагында, атайын кызмат тарабынан кармалганын жазышты.

УКМК бул маалыматты тастыктоону сураган "Азаттыкка" азырынча жооп бере элек.

Темирбек Эркинов 2021-жылы, ноябрда түзүлгөн Кыргыз-венгер өнүктүрүү фондунун башкармалыгынын төрагасы болуп дайындалган. Кыргыз-венгер өнүктүрүү фондунун капиталы 50 миллион доллар болору айтылган.

Темирбек Эркинов Бангладештин Кыргызстандагы ардактуу консулу болгон. 2010-жылы парламенттик шайлоого "Либерал-прогрессивдүү партиясынан" катышкан.(ZKo)

Facebook шеринеси

XS
SM
MD
LG