Линктер

ЧУКУЛ КАБАР!
29-Май, 2024-жыл, шаршемби, Бишкек убактысы 00:07

Ош шаарындагы "Өлбөс полк" жүрүшүнө Акылбек Жапаров катышты


Ош шаарындагы "Өлбөс полк" жүрүшү.
Ош шаарындагы "Өлбөс полк" жүрүшү.

Ош шаарында Экинчи дүйнөлүк согуштагы Жеңиш күнүнө арналган "Өлбөс полк" жүрүшү өттү. Анда жүрүш Баялинов көчөсүнөн Борбордук аянтка чейин болду. Иш-чарага Министрлер кабинетинин төрагасы Акылбек Жапаров баштаган облус, шаар башчылары, жергиликтүү тургундар катышты. Учурда шаардын борбордук аянтында митинг-реквием өтүп жатат.

Мындай жүрүш Бишкек шаарында дагы өтүп жатат. Масалиев жана Абдрахманов көчөлөрүнүн кесилишиндеги Түштүк дарбазадан башталган иш-чара Жеңиш аянтына чейин уланат. Жүрүш маалында бир катар көчөлөр жабылды.

Кыргызстанда былтыр "Өлбөс полк" маршын өткөрүү боюнча талаш-тартыш чыккан. Ага каршы болгондор Орусия Украинага басып киргенден кийин мындай жүрүштү өткөрүп кереги жок деген пикирди айтышкан. Президент Садыр Жапаров 2022-жылдын 1-майында бул боюнча комментарий берген. Ал Кыргызстанда Экинчи дүйнөлүк согушка катышкандардын урпактары көп экенин айтып, "алардын маршка чыгышына тыюу салууга эч кимдин укугу жок" деп билдирген.

"Өлбөс полк" акциясын Орусияда 2011-жылы жарандык активисттер демилге кылып, 2012-жылдан тартып такай уюштурула баштаган. Коронавирус пандемиясынан улам 2020-2021-жылдары жүрүш болгон эмес. 2022–жылы өткөрүлгөн.

Расмий маалыматка ылайык, Кыргызстанда бүгүнкү күндө Экинчи дүйнөлүк согуштун 64 ардагери калды. Бир жыл мурда алардын саны 100дүн тегерегинде болчу.

1941-1945-жылдары фашизмге каршы согушка Кыргызстандан 360 миңдей адам катышкан, алардын 90 миңден ашыгы фронтто курман болгон. (DSh)

Facebook шеринеси

XS
SM
MD
LG