Бишкек шаарынын Свердлов районундагы "Дордой" базарында жайгашкан "Кыргызстан" банкынан өрт чыкты. Бул тууралуу Өзгөчө кырдаалдар министрилиги (ӨКМ) кабарлады. Маалыматка караганда, тилсиз жоо тууралуу маалымат бүгүн, 10-июнда саат 9:55те түшүп, аны өчүрүүгө эки бөлүм тартылды. ӨКМ өрттүн себеби жана жабыркагандар тууралуу маалымат бере элек.
Мекеменин маалыматына ылайык, былтыр өрттөн өлкөдө 30 адамдын өмүрү кыйылган. Жалпысынан 3194 өрт кырсыгы катталып, материалдык чыгым 3 миллиард сомдон ашкан. 31 адам куткарылып, 52 млрд. сомдук мүлк сакталып калган. (КЕ)
