Линктер

ЧУКУЛ КАБАР!
20-Июнь, 2024-жыл, бейшемби, Бишкек убактысы 13:08

Түркиядагы зилзаладан кийин издөө, куткаруу иштерине катышкан кызматкерлер сыйланды


ӨКМдин кызматкери Айбек Азыранкулов жана президент Садыр Жапаров. 14-июнь, 2023-жыл.
ӨКМдин кызматкери Айбек Азыранкулов жана президент Садыр Жапаров. 14-июнь, 2023-жыл.

14-июнда президент Садыр Жапаров Түркиядагы жер титирөөдөн кийинки издөө-куткаруу иштерине катышкан Өзгөчө кырдаалдар министрлигинин (ӨКМ) кызматкерине мамлекеттик сыйлыктарды тапшырды. Иш-чара Токтогул Сатылганов атындагы улуттук филармонияда өттү.

41 кызматкер “Эрдик”, алтоо “Даңк” медалы менен сыйланышты. 59 киши Ардак грамота алды.

Кыргызстандык куткаруучулар Түркиянын Кахраманмараш жана Хатай шаарларында урандылардын арасынан сегиз адамды тирүү куткарып, каза болгон 198 кишинин сөөгүн таап чыгышкан.

Куткаруучуларга тапшырылган сыйлыктар.
Куткаруучуларга тапшырылган сыйлыктар.

Түркия менен Сириянын чектеш аймагында 6-февралда күчү 7,8 баллга жеткен зилзала болгон. Түш оой аймакта күчү 7,5 баллдык жер титирөө дагы кайталанган.

Расмий Анкара зилзаланын курмандыктары 50 миңден ашканын билдирген. Сирияда 6 миңдей адамдын өмүрү кыйылган. (BTo)

Facebook шеринеси

XS
SM
MD
LG