Линктер

ЧУКУЛ КАБАР!
12-Июнь, 2024-жыл, шаршемби, Бишкек убактысы 20:31

Папуа-Жаңы Гвинеяда жер көчкү 700дөй кишинин өмүрүн алды


Жергиликтүү тургундар жер көчкүнүн алдынан жакындарын издеп жатышат. 26-май, 2024-жыл. Папуа-Жаңы Гвинея.
Жергиликтүү тургундар жер көчкүнүн алдынан жакындарын издеп жатышат. 26-май, 2024-жыл. Папуа-Жаңы Гвинея.

Папуа-Жаңы Гвинеяда жер көчкүдөн набыт болгондордун саны 670ке жетти. Бул тууралуу Бириккен Улуттар Уюмунун Эл аралык миграция агенттигинин жергиликтүү өкүлү 26-майда билдирди. Серхан Актопрактын айтымында, жер көчкү бери дегенде 150дөй турак жайды басып калган.

"Кырдаал аябай оор. Жер көчкүнүн жүрүшү токтогон жок. Жаан жаап атат. Мунун баары куткаруучуларга тоскоолдук жаратууда",- деди Актопрак.

Маалыматка караганда, окуя Каокалам айылында 23-майга караган түнкү саат үчтө болгон. Жеринде куткаруучулар иштеп, аман калгандарды издөөнү улантып жатышат.

Папуа-Жаңы Гвинея Тынч океанынын түштүк-батыш тарабында, Австралияга жакын жайгашкан мамлекет. Калкынын саны жети миллиондон ашат. Конститутциялык монархия катары эсептелип, Британ падышалыгына карайт.

Facebook шеринеси

XS
SM
MD
LG