Ош шаарындагы таза суу маселесин толук чечүү үчүн жергиликтүү бийлик жеке менчикке өтүп кеткен суу кудуктарын (скважина) кайтарып алуу аракетин баштады. Түштүк борборду 2009-2013-жылдары башкарган Мелис Мырзакматовдун менчигине өтүп кеткен делген эки кудук шаардын карамагына кайра алынганын мэрия билдирди. Бирок экс-мэр Мырзакматовдун жакындары ал жерлерге экс-мэрдин тиешеси жоктугун айтып, ынандыруу аракетинде.