Токойчулар Чүйдүн Кегети капчыгайында кызыл карагайды курт каптап, кууратып жатканы үчүн четинен кыюуда. Бул токойдун калган бөлүгүн сактап калуунун аргасыз чарасы. Зыянкечтер курулуш материалдары менен сырттан келип, токойлорго чейин жеткен. Ага кошул-ташыл күндүн катуу ысып жатышы дагы токойду четинен кемирип жеген зыянкечтерди көбөйтүүдө. “Данисте” бул жолу Кыргызстандагы токойлордун абалы, жасалма жашылдандыруу аракеттери тууралуу айтып берет.