Бекназаров: Мандат тапшыруу - "Ташиев толкунунун" уландысы

Парламентте дагы бир депутат мандатын тапшырды. Темирлан Айтиевдин арызын БШК карап, канаттандырды. Депутат өзү мындай кадамга эмне себеп болгонун түшүндүргөн жок. Айтиев Жогорку Кеңешке №20 шайлоо округунан 9 миңден ашык добуш менен шайланып келген. 10-февралда Камчыбек Ташиев УКМКнын төрагасы кызматынан бошотулган соң, өлкөдө бир катар кадрдык өзгөрүүлөр болду. Парламенттеги соңку окуяларга байланыштуу “Азаттык” саясатчы Азимбек Бекназаров менен маек уюштурду.