Президент Садыр Жапаров 28-майда иш сапары менен Казакстандын борбору Астанага барды. Президенттин администрациясы билдиргендей, аны Астанадагы эл аралык аба майдандан Казакстандын премьер-министри Олжас Бектенов тосуп алды.
Иш сапардын алкагында Жапаров Евразия экономикалык кеңешинин жыйынына жана V Евразиялык экономикалык форумга катышат. Саммитке Беларустун лидери Александр Лукашенко, Орусиянын президенти Владимир Путин, Армениянын вице-президенти Мгер Григорян катышат.
Жапаров санариптик жетишкендиктердин көргөзмөсүнө барды. Иш-чара Евразия экономикалык форумунун алкагында Alem.ai Эл аралык жасалма интеллект борборунда өтүүдө. Экспозицияда негизги басым санариптештирүүгө жана жасалма интеллект технологияларын киргизүүгө жасалган.
2010-жылы Орусия, Беларус жана Казакстандын катышуусу менен түзүлгөн Бажы биримдиги 2015-жылы Евразия экономикалык биримдиги болуп өзгөрүп, ага Армения жана Кыргызстан кошулган.
Шерине