Белгилүү түрк актеру, Йешилчам доорунун көрүнүктүү өкүлү Кадир Инаныр 77 жаш курагында каза болду. Бул тууралуу түрк басылмалары жазышты.
Маалыматка караганда, актер ден соолугу начарлап, 14-май күнү клиникага жаткырылган. Ал өпкөсү кагынып, тогуз күндөн кийин ооруканада каза болгон.
Кадир Инаныр өткөн кылымдын 70-жылдарынын аягында Чыңгыз Айтматовдун “Кызыл жоолук жалжалым” (“Делбирим”) повестинин негизинде түрк тилинде тартылган тасмада Ильястын ролун аткарган.
Йешилчам (Yeşilçam) деп АКШнын Голливуду же Индиянын Болливуду сыяктуу эле түрк киносунун 1950-1980-жылдардагы эң өнүккөн "алтын доорун" аташат. Стамбулда ушундай аталыштагы көчөдө киностудиялар жайгашкан.(КЕ)
Шерине