Быйылкы жыл башынан бери республикалык бюджеттин эсебинен салынып жаткан 28 мектеп жана 3 бала бакчанын курулушу аяктады. Агартуу министрлиги билдиргендей, алар жаңы окуу жылында пайдаланууга берилет.
Мындан тышкары, 18 мектеп жана 4 бала бакчада капиталдык оңдоп-түзөө иштери бүткөрүлгөнү кабарланды.
Маалыматка ылайык, билим берүү мекемелеринин материалдык-техникалык базасын жакшыртууга да каражат бөлүнүүдө. Быйыл мектептерди эмерек менен камсыз кылууга республикалык бюджеттен 67,2 млн сом каралган.
Ошондой эле быйылкы жылы мугалимдерге 16 185 ноутбук таратуу пландалууда. 2024-жылы 27 031, 2025-жылы 20 286 ноутбук сатып алынып, мугалимдерге берилген.
Кыргызстанда 2,5 миңдей мектеп бар. Анда 80 миңден ашык мугалим иштейт, 1 миллиондон ашуун бала окуйт. (ZKo)
Шерине