Кыргызстанда акыркы айларда картөшкө баасы 2,7%, пастерленген сүт 0,8%, жумуртка 0,6%, бөлкө нан 0,3%, күн карама майы жана кумшекер 0,1% жогорулады.
Ал эми каймак майдын баасы 1,9%, пияз 0,9%, уй эти 0,4% жана кой эти 0,1% төмөндөдү. Калган товарлардын баалары өзгөрүүсүз.
Бул тууралуу Суу ресурстары, айыл чарба жана кайра иштетүү өнөр жайы министрлиги билдирди.
Азык-түлүктүн учурдагы баасы министрлик Орусия жана Казакстан менен салыштырып мониторинг жүргүзгөндө аныкталган.
Улуттук статистика комитети апрелде азык-түлүк 10,8%, андан башка товарлардын баасы 9,2%, тамеки жана алкоголдук продукция 8,9% жогорулаганын билдирген.
Өкмөт кымбатчылыкка күйүүчү майдын баасынын өсүшү көп таасир этип жатканын, анын алдын алуу үчүн маяналарды көтөрүп, бааны туруктуу кармоо аракетин көрүп жатканын айтып келет. (ST)
Шерине