Ата мекендик адис Урмат Абдукаимов Кыргызстандын футбол боюнча улуттук курама командасынын башкы машыктыруучусу болуп дайындалды. Тиешелүү чечим 25-августта Кыргыз футбол биримдигинин аткаруу комитетинин жыйынында кабыл алынды.
Жаңы башкы машыктыруучуга команданы алдыдагы эл аралык мелдештерге, анын ичинде 2027-жылы өтө турган Азия кубогуна жакшы даярдоо жана улуттук кураманын алдына коюлган максаттарды ишке ашыруу милдети коюлду.
34 жаштагы Урмат Абдукаимовдо Азия футбол конфедерациясынын “A” категориясындагы машыктыруучулук лицензиясы бар адис. Ал буга чейин
Кыргызстандын U-23 Олимпиадалык курама командасынын башкы машыктыруучусу болуп иштеген. Ошондой эле Жогорку лиганын “Талант” футбол клубун жетектеген.
Кыргызстандын футбол боюнча улуттук курама командасынын башкы машыктыруучусу Роберт Просинечки 25-августта кызматтан кеткен. (BTo)
Шерине