Түз ободо ШКУ: Бишкекте талкууланган дүйнөлүк саясат

Президент Садыр Жапаров Чүй облусунун Аламүдүн районунун “Ала-Арча” мамлекеттик жаратылыш паркында жайгашкан бийиктиги 4050 метр аты жок тоо чокусуна “Шанхай кызматташтык уюмунун чокусу” географиялык аталышын ыйгаруу жөнүндө жарлыкка кол койду.

“Ынтымак ордо” билдиргендей, Министрлер кабинети үч айдын ичинде мыйзам долбоорун даярдап, Жогорку Кеңештин кароосуна киргизет.

Бишкекте өтүп жаткан Шанхай кызматташтык уюмунун саммити тууралуу дүйнөлүк басылмалар эмне деп жазышууда? Бул тууралуу төмөнкү макаладан окуй аласыз.

Дагы караңыз

Путин, Си, Моди Бишкекте. Чоң державалардын атаандаштыгы жана кызматташтыгы

Кытай Эл Республикасынын төрагасы Си Цзинпиндин Кыргызстанга мамлекеттик сапары 30-август күнү башталган. Сапардын расмий бөлүгү 31-август күнү уланып, сүйлөшүүлөр жана документтерге кол коюу аземи “Ынтымак Ордо” сарайында өттү.

Си Цзинпинди Кытайдын коммунисттик партиясынын Борбордук комитетинин Саясий бюросунун мүчөсү Пэн Лиюан, Коммунисттик партиянын Борбордук комитетинин катчылыгынын жетекчиси Цай Ци, тышкы иштер министри Ван И баштаган расмий кызмат адамдары коштоп келди.

Дагы караңыз

Синин Бишкек сапары: Бээжиндин экономикалык жана саясий таасири

Моди Путинди Украинадагы согушту токтотууга чакырды

Индиянын премьер-министри Нарендра Моди 31-августта Бишкекте Шанхай кызматташтык уюмунун (ШКУ) саммити алкагында Орусиянын президенти Владимир Путин менен жолугушууда Украинадагы согушту токтотууга чакырды.

Кремлдин сайтына жарыяланган маалыматка караганда, ал маселелер тынч жол менен чечилиши керектигин айтты:

"Бизге токтобогон согуш эмес, согуштун токтошу зарыл... Согуш жүрүп жаткан ар бир күн сайын адамзат бир кадам артка кайтат, ал эми тынчтыкка карай жасалган ар бир кадам адамзатка тынчтыкка чыныгы үмүт тартуулайт. Биз токтобогон согушка караганда согушту, согуштук аракеттерди токтотууга өтүшүбүз зарыл. Биз дал ушул багытта кетишибиз керек. Бул бардык адамзат үчүн маанилүү. Биз бардык маселелерди тынч жол менен чечишибиз зарыл, муну жалпы адамзат талап кылат".

Путин Модиге "Биз ошол жол менен бара жатабыз" деп жооп берди.

Согушту токтотуу керектигин орус президентине жакында казак лидери Касым-Жомарт Токаев да айткан. 25-июлда ал Европа менен АКШдан көптөгөн сигналдар келип жатканын, Украинадагы согуш мамлекеттер аралык жаңжал экенин жана аны жарандык согуш катары мүнөздөөгө болбой турганын белгилеген. Ал Путинге согушту аяктап, "жаңжалды токтотууга" убакыт жеткенин айткан.

Орусия коңшусу Украинага каршы толук масштабдуу согуш ачканына беш чылга чукулдап баратат. Түрдүү деңгээлдеги сүйлөшүүлөрдөн майнап чыга элек.