Жалал-Абад облусунун Сузак районунда 10-класстын окуучусу ур-токмоктон каза болгону кабарланды.
Жалал-Абад облусунун ички иштер башкармалыгынын басма сөз кызматы билдиргендей, маалымат Сузак райондук ички иштер бөлүмүндө катталган. Бул факты боюнча Кылмыш-жаза кодексинин 130-беренеси – “Ден соолукка оор залал келтирүү” менен кылмыш иши козголгон.
Тергөөнүн жүрүшүндө кылмышка шек саналып 2009-жылы туулган А.К. жана 2008-жылы туулган К.Ж. аттуу өспүрүмдөр кармалып, убактылуу кармоочу жайга камакка алынган. Териштирүү иштери жүрүп жатат.
Айрым жалпыга маалымдоо каражаттары окуя 17-сентябрда Жыгач-Коргон айыл аймагында болгонун жазып жатышат. Маалыматка караганда, 10-11-класстын окуучуларынын ортосунда чыр чыгып, 10-класстын окуучусу алган жаракатынан ооруканага жетпей каза болгон. (BTo)
Шерине