Каржы министрлигинин басма сөз кызматы кабарлагандай, Германия өнүктүрүү банкы Кыргызстанга 8 миллион евро жардам бере турган болду. Буга байланыштуу келишимге министр Мелис Мамбетжанов жана Германиянын өнүктүрүү банкынын өкүлү Анке Жилипс кечээ кол койду. Бул каражаттын 7,2 миллиону гранттык негизде, 800 миң евро техникалык жардам катары келет. Аталган келишим Кыргызстандагы саламаттыкты сактоо тармагындагы "Манас таалими" программасын колдоого багытталат. 2006-жылдан бери Германиянын өнүктүрүү банкы "Манас таалими" программасына 16 миллион евро бөлгөн. (KKs)
