АКШ өкмөтү Кыргызстандагы дыйкандарды быйылкы жазгы талаа иштеринде сапаттуу үрөн менен камсыз кылуу боюнча программасын ишке киргизип жатат. АКШнын Кыргызстандагы элчилигинин маалымдашынча, бул программанын алкагында 4,1 миллион доллар бөлүндү жана өлкөнүн баардык облустарында 30 миңдей фермер, 160 айыл чарба кооперативдери жана 80ден ашык урук өстүрүү менен алектенген чарбалар сапаттуу үрөн менен камсыз болушмакчы. Программаны ишке ашыруу бүгүн Чүйдүн Жайыл районунда расмий башталат. (EBM)
