АКШ - Иран: Омандагы сүйлөшүү согуштун алдын алабы?

6-февралда Омандын башкалаасы Мускат шаарында АКШ менен Ирандын сүйлөшүүлөрү башталды. Делегацияларды Ак үйдүн атайын чабарманы Стив Уиткофф менен Ирандын тышкы иштер министри Аббас Аракчи баштап барышты. Жолугушууга сүйлөшүүгө арачы түшүп келаткан Омандын жогорку өкүлдөрү да катышууда. Кээ бир эксперттер бул сүйлөшүүлөрдү согушутун алдын алуу багытындагы акыркы мүмкүнүчүлүк деп баалашат. Анын так күн тартиби ачыкка чыгарылган жок. Маалыматтарга караганда Иран кездешүү мурункудай эле тикелей эмес, Омандын тышкы иштер министри аркылуу жүрүшү керек деп билдирди.