Линктер

ЧУКУЛ КАБАР!
9-Март, 2021 шейшемби, Бишкек убактысы 11:18

Навальныйдын тарапкерлери жарык жандырган нааразылык чарасын башташты


Петропавловск-Камчатск шаарындагы нааразылык чарасынан бир көрүнүш. Ыраакы Чыгыш, Орусия.

Орусияда камактагы оппозициячыл саясатчы Алексей Навальныйдын тарапкерлери 14-февралда аны колдоо иретинда нааразылык чараларын өткөрүп жатышат. Анын алкагында, саясатчынын абактан бошотууну талап кылгандар бүгүн ар чөлкөмдүн жергиликтүү убакыты боюнча 20.00дө жапырт түрдө уюкфонду (чөнтөк телефонун) же кол чырактарды асманга каратып, күйгүзүшү керек. 15 мүнөткө созулган флешмоб нааразылык чарасына катышкандар сүрөтүн интернеттеги коомдук тармактарга жайгаштырышы абзел.

Ушул убакытка чейин Орусиянын Ыраакы Чыгыштагы Петропавловск-Камчатск, Сахалин жана Владивосток сыяктуу шаарларында флешмоб өттү. Бул нааразылык чарасына канча киши катышканы азырынча белгисиз.

Навальныйдын тобу 14-февралда белгиленчү Ыйык Валентин күнүндө “Сүйүү - коркуудан күчтүрөөк” деген ураан менен бийликке каршылыгын билдирүүнү чечкен.

Орус бийлиги бул нааразылык чаралардын мыйзамсыз экендигин жана аларга катышкандарга мыйзам чегинде чара көрүлөрүн алдын ала эскерткен.

12-февралда "Роскомнадзор" мекемеси жалпыга маалымдоо каражаттарын пландалып жаткан нааразылык чарасы тууралуу кабарларды өчүрүүгө буйрук берди, ал эми прокуратура Навальныйдын айрым аймактардагы штабдарына бул чараны уюштурчу болсо, жоопко тартылары боюнча эскертүү жөнөттү.

А.Навальныйды колдогон демонстрантты камакка алуу. Путинге өз кызматынан боштондук!" деп жазылган. Москва. 2021-жылдын 31-январы.
А.Навальныйды колдогон демонстрантты камакка алуу. Путинге өз кызматынан боштондук!" деп жазылган. Москва. 2021-жылдын 31-январы.

Путиндин келишкис сынчысы, 44 жаштагы Навальный 17-январда Берлинден дарылануудан келээри менен кармалган.

2-февралда Москва соту анын «Ив Роше» иши боюнча шарттуу жазасын катаалдаштырып, дээрлик үч жылга кести. Анын камалышына каршы буга чейин Орусиянын ондогон шаарларында эки ирет ири нааразылык жыйындары өтүп, анын жүрүшүндө миңдеген кишилер тартип сактоо кызматкерлери тарабынан кармалды.

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG