Бишкек декларациясы: Ирандагы согушту токтотуу чакырыгы

Бишкектеги саммиттин дагы бир маанилүү темасы - Иран. Ирандагы согуш дүйнөнүн көп өлкөлөрүнө, анын ичинде ШКУнун бир катар мүчөлөрүнө олуттуу таасир этип жатат. Президент Масуд Пезешкиан анын өлкөсү АКШ жана Израил менен согушуп жаткан учурда Бишкекке келди. Ирандын президенти жыйындын алкагында конок тоскон кыргыз президентинен сырткары дагы бир катар мамлекеттердин лидерлери менен кездешип, Жакынкы Чыгыштагы жаңжалдын түрдүү өңүттөрүн сүйлөштү. Бишкек декларациясында Ирандагы согушту дипломатиялык жол менен чечүү камтылды.