Линктер

ЧУКУЛ КАБАР!
19-Июнь, 2021 ишемби, Бишкек убактысы 15:51

Орусиялыктар жылмайганда:  23-феврал – тамаша сөз бутасы


Орусиядагы тамашалуу куттук катта “23-(феврал) дем алыш күн болгону үчүн ыракмат, менин сүйүктүү Армияма!” деп жазылган.

Адатта, карапайым орусиялыктар 23-феврал майрамын эч кандай армияга байланыштырбастан, 8-марттагы белек-бечкекти камдоо алдындагы психологиялык камылга күнүнө байланыштырат. Негизи, бул эки майрамды тең көбүнесе эркектер жан-дили менен майрамдап кетишет. Муну орусиялык анекдоттор деле такмазалайт.

* * * * * * *

Тра-ля-ля!

Тра-ля лай!

Жыйырма үчүнчү февралда

Эркектерге жыргал ай!

Эч себеби жок деле

Белек берет кыздар ай!

* * * * * * *

- Сага эмне болду, эмнеге сиркең суу көтөрбөй турат?

- Кечээ 23-февралга деп күйөөмө балык кармай турган кайырмактарды сатып бергем.

- Анда ал сүйүнгөн тура. «Ал ар жекшембиде балык уулаганга кетет» деп айтып жүрчү элең го?

- Ошентчүмүн. Тиги болсо кайырмактарды айландыра карап туруп: «Бул – эмне?» деп таң кала сурап атпайбы!

* * * * * * *

Кызы атакесине 23-февралга деп өз колу менен жасаган кооз куттук катты белек кылды. Атакеси ага 8-мартка карата өз колу менен жасаган iPhone тартуулады.

* * * * * * *

Мына, жигиттер! 23-феврал да артта калды, эми 8-мартка белек ала турган селкилердин тизмеси өзүнөн өзү такталып калды!

* * * * * * *

- Сени жетекчиң эмнеге кызматтан айдап жатат? Ал таз башка эмнең жакпай калыптыр?

- Билбейм, өзүм да түшүнбөй турам. 23-февралга ага жакшынакай эле тарак белек кылган болчумун.

* * * * * * *

- Бүгүн дүкөндөгү эркектердин ич кийимдери, байпактары, сакал алгыч үчүн көбүк, деги койчу, бүт сатылып кетти! А, себебин эми билдим. Эртең – 23-феврал эмеспи!

* * * * * * *

Келгиле, 14-феврал менен 23-февралды алиги 8-мартка кошуп туруп, “Ата мекенди коргоочуларды сүйүп калган айымдардын эл аралык күнү” деп жарыялап салбайлыбы?!.

* * * * * * *

- Сага 23-февралга карата эң чоң белек камдадым, жаным!

- Кандай белек?

- Башыңды оорутуп 8-мартта мага эч кандай белек тартуулабай турганыңдай мүмкүнчүлүктү!

* * * * * * *

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.
XS
SM
MD
LG