Депутаттын талаштуу сунушу, он миңдеген кишинин талабы

Жогорку Кеңештин депутаты Айсаракан Абдибаеваны депутаттык мандатынан ажыратууну талап кылган петицияга 30 миңге жакын адам кол койду. Петиция депутаттын жашы жете электерге карата сексуалдык кылмыштар боюнча пробациялык көзөмөлдү колдонуу мүмкүнчүлүгүн кароо тууралуу сунушунан кийин башталган. Ал эми эл өкүлү Абдибаева бардык кылмыш иштери жазасыз калбашы керектигин, ошол эле учурда бирөөнү куруу жалаа, доомат менен жазалоого болбой тургандыгын баса белгилейт.