Линктер

ЧУКУЛ КАБАР!
19-Сентябрь, 2021 жекшемби, Бишкек убактысы 18:05

Элет көк кашка сууга чаңкап турат


Суу ташыган бала. Кыргызстан.

"Азаттыктын" апта түрмөгүндө Кыргызстандын калкын таза суу менен толук камсыздоонун бүгүнкү абалы жана көйгөйлөрү тууралуу сөз болот.

Кара-Көл шаарына караштуу Кетмен-Төбө айылынын тургундары төрт жылдан бери аягына чыкпай жаткан таза суунун курулушун бүтүрүүнү талап кылып келет. Эки миңге чукул калк жашаган айылдын эли аргасыздан тазаланбаган булактын суусун айылга тартып алышкан. Эски суу түтүктөрүн алып кетип, ордуна жаңысын коюп берем деген курулуш компаниясынан дайын жок.

Кетмен-Төбөдө суу тартыш
please wait

No media source currently available

0:00 0:04:00 0:00
Түз линк

Нарын районунун Жер-Көчкү айылына тартылган таза суу түтүктөрү бир жылга жетпей керектен чыкты. Азыр жеркөчкүлүктөр кайра эле арыктагы суунун көзүн карап калды. Райондук бийлик бул маселени чечүү күз айларына чейин созуларын айтып жатат.

Нарындагы чечилбеген таза суу көйгөйү
please wait

No media source currently available

0:00 0:03:01 0:00
Түз линк

Облус борбору Баткен шаарынын жашоочулары таза суу менен камсыздалган калктуу конуштардын катарында турат. Бирок, шаардын борборуна жакын эле турган конуштарда таза сууну сатып алып, атайын автоуналаар менен ташып келип ичүү кадимки көрүнүшкө айланган. 30 миңдей калкы бар шаарды таза суу менен камсыздоо үчүн акыркы 15 жылда 100 млн. сомдон ашык каражат сарпталды.

Баткендеги таза суу көйгөйү
please wait

No media source currently available

0:00 0:03:15 0:00
Түз линк

Ош шаарында жаан жааган сайын ичүүчү суу токтойт. Буга ачык асман алдындагы таза суу кампасынын абалы себеп болууда. Адистер маселени жабык кампа куруу аркылуу гана чечүү мүмкүн экенин айтып келет. Бирок эбегейсиз көп каражатты талап кылган бул курулуш качан колго алынары азырынча белгисиз.

Ош шаарында жаан жааган сайын ичүүчү суу токтойт
please wait

No media source currently available

0:00 0:03:58 0:00
Түз линк

Таза суу маселеси жайкысын борбор калаага жакын жайгашкан айылдарда да негизги көйгөйгө айланган. Маселен, азыркы тапта Сокулук районунун Сары-Өзөн айылында жүздөгөн үй-бүлө таза сууну бир нече чакырымдан ташып келип ичип жатат. Ал эми бийлик өкүлдөрү суунун тартыштыгына элдин өзүн күнөөлөп келет.

Жаңы конуштардагы суу көйгөйү
please wait

No media source currently available

0:00 0:02:41 0:00
Түз линк

Кыргызстандын калкын таза суу менен толук жабдууга эмне тоскоолдук кылып жатат жана бул көйгөй качан жолго коюлат? Бул суроого Мамлекеттик архитектура, курулуш жана турак жай мамлекеттик агенттигинин Ичүүчү суу департаментинин директору Аскар Токтошев жооп берет.

Таза суу маселеси качан чечилет?
please wait

No media source currently available

0:00 0:04:35 0:00
Түз линк

«Азаттыктын» материалдарына пикир калтырууда төмөнкү эрежелерди так сактоону өтүнөбүз: адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлерди жазууга болбойт. Эрежени сактабай жазылган пикирлер жарыяланбайт.

Пикирлерди көрүңүз (6)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG