Линктер

ЧУКУЛ КАБАР!
31-октябрь, 2020 ишемби, Бишкек убактысы 10:06

Өкмөт: 1-класстар мектепке барып окуйт


Бишкек

Быйыл 1-сентябрдан тартып 1-класска кирген 156 миң окуучу менчиктин түрүнө карабастан мектепке барып окуйт.

Ал эми калган класстардын баары онлайн режимде билим алышат. Бул тууралуу премьер-министр Кубатбек Боронов 14-августта өкмөттүн жыйынында билдирди.

«1-класстын 156 миң окуучусуна 100% мектептердин эшиктери ачылат. Баланын социалдык адаптациясы, окуу көндүмдөрү, колдун моторикасы жашында калыптанганы абдан маанилүү. Ошол эле учурда экинчи жагынан эпидемиологиялык кырдаалдын шарттары эске алынып, окутуунун алгоритмдери толук жана так иштелип чыксын», - деди Боронов.

Өкмөттүн басма сөз кызматынын маалыматы боюнча, премьер-министр жалпы аймактардагы эпидемиологиялык абал толук турукташа элек экенин, коронавирустун экинчи толкуну болушу ыктымал экенин эскертти.

«Окуу процессин кийинки чейректерде жандандыруу маселеси өлкөдөгү эпидемиологиялык абалды эске алуу менен Республикалык штабдын талкуусунан өтүүгө тийиш», - деди премьер-министр.

Коронавирус пандемиясына байланыштуу ушул жылдын март айынан тартып Кыргызстанда мектептер жана башка билим берүү мекемелеринде окуу дистанттык форматта жүргүзүлгөн. (BTo)

Пикирлерди көрүңүз (12)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG