Линктер

жекшемби, 19-ноябрь, 2017 Бишкек убактысы 12:59

Өктөбүр жана анын лидерлери жөнүндө орус азилдери


1974-жылдагы Португалиядагы ыңкылапка баа берүү үчүн баш катырышууда. Жуан Абел Мантанын “Татаал көйгөй” сүрөтү. 11.7.1975.

Мындан жүз жыл илгерки тарыхый окуялар орус элинин анекдотторунда да чагылдырылган.

* * * * * *

Грузиянын бир чакан шаарындагы театрда “Ленин Өктөбүр ыңкылабы күндөрү” деген оюн коюлуп жатты. Кепкачан Ленин иш кабинетинде улам жаңы декреттерге кол коюп, катуу иштеп жаткан кез.

Сырттан анын катчысы келип:

- Жолдош Лэлин, Дзэржинский сизден кабыл алууңузду өтүнүп жатат!

- Аны шейшембиге саат 4кө жазып кой. Ошондо келсин.

Катчы чыгып кетип, кайра кирет:

- Владимир Ильич, Свэрдлов да жолуксамбы деп жатат?

- Жолдош Свэрдилов шаршембиде саат 3тө кирсин.

Катчы “макул, айтам” деп чыгып кетип, кайра кириптир:

- Владимир Ильич, жолдош Сталин келиптир, аябай суранып жатат, азыр эле кабыл ал деп.

- Анын маселесине байланыштуу декретке колум тийе элек, жума күнү таңкы саат 10до сөзсүз кабыл алам, айтып кой.

Аңгыча залдагы көрүүчүлөрдүн бири кыйкырыптыр:

- Жолдош Лэлин, менин жердешимди тез эле кабыл алып коюңузчу, Мен да Гори шаарынан болом. Өтүнүч!..

- Опэ-эй, муну карасаң! – деп залдагы өтүнүч ээсине берки өнөрпоз ачуулана кайрылыптыр: - Бул жерде Лэлин менминби, же сенсиңби?!.

* * * * * *

Ленин дүйнө менен кош айтышаар учуру жакын калганын сезип, Сталинди чакыртыптыр.

- Мен абдан толкунданып, бир чети сабырсызданып турам, жолдош Сталин. Деги сизди эл колдоп кетээр бекен?

- Колдойт, жолдош Ленин!

- А кокус сизди ээрчибей коюшсачы?

- Анда алар Сизди ээрчип жөнөөгө аргасыз болушат, жолдош Ленин!

* * * * * *

1917-ж. 2-марты. Цюрих ш. Н.К.Крупская: “Вова, турсаңчы, ыңкылап (жүзөгө ашыптыр)!” В.Ленин: “Меники – мындан кийинкиси да!”
1917-ж. 2-марты. Цюрих ш. Н.К.Крупская: “Вова, турсаңчы, ыңкылап (жүзөгө ашыптыр)!” В.Ленин: “Меники – мындан кийинкиси да!”

Пушкинге арналган айкел долбоорлорунун жыйынтыгы жарыяланды.

Үчүнчү сыйлыктын ээси: “Пушкин Лениндин китебин окуп жатат” деген айкел.

Экинчи сыйлыктын ээси: “Ленин Пушкиндин китебин окуп жатат” деген айкел.

Биринчи сыйлыктын ээси: “Ленин Лениндин китебин окуп жатат” деген айкел.

Сиздин пикир

пикирлерди көрсөт

XS
SM
MD
LG