Карачи: АКШнын консулдугуна кол салууда 7 киши өлдү
Пакистандын Карачи шаарындагы АКШнын консулдугунун имаратына демонстранттар чабуул коюп, бир нече киши набыт болгону кабарланды. Алар имараттын терезелерин талкалап, айрымдары колдоруна Ирандын жогорку руханий лидери, аятолла Али Хаменеинин сүрөтүн көтөрүп жүргөнү кабарланды.
Эркин Европа/"Азаттык" радиосунун кабарчысы жеринен билдиргендей, демонстрацияны "Имамия" деп аталган студенттер уюму уюштурган. Полиция менен демонстранттар ортосунда ок атышуу болуп жатканы маалымдалды. Каза тапкандар арасында демонстранттардын өкүлдөрү бар.
Маалыматтарга караганда, Ирактын борбору Багдадда да АКШ элчилиги жайгашкан районго митингчилер кирип барууга аракет кылышты.
Ирандын Жогорку руханий лидери аятолла Али Хаменеи өлтүрүлгөндөн кийин өлкөнү президент Масуд Пезешкиан, сот бийлигинин башчысы жана Конституцияны коргоо кеңешинин бир мүчөсү убактылуу башкарат. Бул тууралуу IRNA маалымат агенттиги биринчи вице-президент Мухаммад Мохбериге шилтеме кылып жазды.
Мунун алдында IRNA АКШ менен Израилдин Иранга каршы операциясы маалында Али Хаменеинин кеңешчиси, Коргонуу кеңешинин катчысы Али Шамхани, ошондой эле Ислам революциясынын сакчылар корпусунун кол башчысы Мухаммад Пакпур дагы жан таслим болгонун билдирген.
Ирандык мамлекеттик жалпыга маалымдоо каражаттары ишемби күнкү израил-америка операциясы маалында Али Хаменеи өлтүрүлгөнүн 1-мартта таңга маал бышыкташкан.
Мындан көп өтпөй Ислам революциясынын сакчылар корпусу жакынкы убакта Израилге жана аймактагы АКШнын аскердик базаларына каршы “эң кубаттуу операция” башталарын билдирген.
Израил менен АКШ биргелешип Иранга аба соккуларын 28-февралда жасаган. Тегеран жооп кайтарып, АКШнын аскердик техника, кеме-учактары жайгашкан Бириккен Араб Эмирликтерин, Катар, Кувейт, Израил жана башка мамлекеттерди бутага алган.
Ирандагы Ислам революциясынын сакчылар корпусу жакынкы убакта Израилге жана аймактагы АКШнын аскердик базаларына каршы “эң кубаттуу операция” башталарын билдирди. Бул тууралуу Fars маалымат агенттиги кабарлады.
Мунун алдында ирандык мамлекеттик жалпыга маалымдоо каражаттары ишемби күнкү израил-америка операциясы маалында өлкөнүн Жогорку руханий лидери аятолла Али Хаменеи өлтүрүлгөнүн бышыкташкан.
Ал арада АКШнын президенти Дональд Трамп Ирандагы күч түзүмдөрүн курал-жарактарын таштап, багынып берүүгө ирандык патриоттор менен бирге өлкөнү калыбына келтирүүгө чакырды. Ал бул тууралуу Али Хаменеинин өлтүрүлгөнү расмий ырасталганы тууралуу комментарий берип жатып билдирди жана муну “иран элинин жападан-жалгыз мүмкүнчүлүгү” катары сыпаттады.
Трамп 28-февралда өзүнүн Truth Social соцтармагы аркылуу Хаменеи америка-израил биргелешкен операциясы маалында жок кылынганын маалымдаган.
Ишембиде кечинде бир катар эл аралык маалымат каражаттары, анын ичинде Reuters Израилдин жетекчилигиндеги булактарына таянып, Али Хаменеи ушул эле күнү жасалган аба чабуулдардан жан таслим болгонун жазып чыгышкан.
Израил менен АКШ биргелешкен аба соккуларын 28-февралда Иранга жасаган. Тегеран жооп кайтарып, АКШнын аскердик техника, кеме-учактары жайгашкан Бириккен Араб Эмирликтерин, Катар, Кувейт, Израил жана башка мамлекеттерди бутага алган.
Иранда жекшемби күнү таңга маал мамлекеттик жалпыга маалымдоо каражаттары (ЖМК) өлкөнүн Жогорку руханий лидери аятолла Али Хаменеи өлтүрүлгөнүн жазып чыгышты.
Мунун алдында, 28-февралда АКШнын президенти Дональд Трамп өзүнүн Truth Social соцтармагы аркылуу Хаменеи америка-израил биргелешкен операциясы маалында жок кылынганын маалымдаган. Ошондой эле муну “адилеттиктик” катары сыпаттаган.
"Дүйнөдөгү эң карөзгөй адамдардын бири мерт болду. Бул Ирандын эли үчүн гана эмес, Хаменеи жана анын канкор корбашылары өлтүргөн, майып кылган мыкты америкалыктар, дагы далай өлкөлөрдүн жарандары үчүн адилеттик", - деп жазган Трамп.
28-февралдын кечинде бир катар эл аралык маалымат каражаттары, анын ичинде Reuters Израилдин жетекчилигиндеги булактарына таянып, Али Хаменеи ушул эле күнү жасалган аба чабуулдардан жан таслим болгонун билдиришкен.
Ишембиде Али Хаменеинин жардамчысы Али Ларижани Х соцтармагындагы баракчасына өч алуу болорун билдирген жана бул аятолла жан таслим болгону кыйыр түрдө аныкталганы катары кабыл алынган.
“Биз сионисттик кылмышкерлерди жана уятсыз америкалыктарды кылган кылыгы үчүн өкүндүрөбүз. Ирандын эр жүрөк жоокерлери жана улуу эли эл аралык зордукчуларга эстен кеткис сабак берет”, - деп жазган Ларижани.
Али Хаменеи 1989-жылы Ислам Республикасынын негиздөөчүсү, аятолла Рухолла Хомейни каза болгондон кийин жогорку лидерликке келип, ошондон бери Иранда дээрлик чексиз бийликке ээ болуп келген.
Израил менен АКШ биргелешкен аба соккуларын 28-февралда Иранга жасаган. Тегеран жооп кайтарып, АКШнын аскердик техника, кеме-учактары жайгашкан Бириккен Араб Эмирликтерин, Катар, Кувейт, Израил жана башка мамлекеттерди бутага алган.
Шерине