Президенттикке талапкер Каныбек Иманалиев атаандашы Клара Сооронкулова үчүн добуш берди. Бул тууралуу ал Бишкектеги шайлоо тилкелеринде добуш берип чыккандан кийин журналисттердин суроолоруна жооп бергенде айтты:
«Жаныңда кыз киши турса, өзүңө добуш бергениң - кыргызда жигитчиликке жатпайт. Мен, ошондуктан, Клара Сооронкуловага - кыргыздын аялзатына добуш бердим. Кыргызстандын келечегин мен аялзатынан, жаштардан жана чыныгы парламенттик демократиядан көрөм».
Бүгүн, 10-январда Кыргызстанда кезексиз президенттик шайлоо жана мамлекетти башкаруунун формасын тандоо боюнча референдум өтүп жатат.
Дагы караңыз Жапаров: Мыйзамдын диктатурасын орнотобузПрезиденттик кызматка 17 талапкер ат салышууда. Клара Сооронкулова - жалгыз аял талапкер.
БШКнын маалыматына ылайык, президенттик шайлоодо жана референдумда 3 563 574 шайлоочу добуш берүү укугуна ээ. Саат 10:00гө карата алардын 100 миңге жакыны, же 2,80% добуш берди.
Өлкөдө 2474, чет мамлекеттерде 48 добуш берүү тилкеси ачылган. (SE)
Дагы караңыз
Садыр Жапаров: Шайлоодо ким утуп чыкса да таанышыбыз керекМадумаров: Шайлоо таза өтпөй жатканын көрүп турабызБишкекте кезектеги «Мыйзамдуулук үчүн!» жүрүшү өттүТүркиядагы кыргызстандыктар эки шайлоо тилкесинде добуш беришет