“Азаттыктын” түркмөн кызматынын кабарчысы Түркмөн мамлекеттик маданият институтунун окутуучулары жергиликтүү бийликтин өкүлдөрүнө соцтармактарга, анын ичинде Инстаграм менен Фейсбукка кирбей турганы жөнүндө тилкат жазып берип жатышканын билдирди.
Маалыматка караганда, мындай тилкаттар башка жогорку окуу жайларда да чогултулууда.
Анда окутуучулар IMO мессенжерин да колдонбоого милдеттенме алышкан.
“IMO мессенжери аркылуу билдирүү гана жөнөтүүгө болот. Сүрөт жана видео жөнөтүүгө тыюу салынат”, - деди ашхабаддык тургундардын бири.
Окутуучуларга электрондук почталарды гана колдонуу сунушталууда.
Түркмөнстанда акыркы күндөрү соцтармактарга көзөмөл күчөтүлүп, Интернетке катуу чектөө киргизилди. Өлкөдө Facebook, Instagram, Twitter бөгөттөлгөн. Аларга VPN серверлердин жардамы менен гана кирүүгө болот. Бийлик VPN серверлерин колдонгондорду жана аны жарандарга орнотуп бергендерди да куугунтуктап жатат.
Дагы караңыз
Саакашвили абакта ыдык көргөнүн айттыТажикстан 52 өлкөгө визасыз режимди киргизүүдөОрусиянын түрмөсүндө отурган америкалык ачкачылык жарыяладыГрузин оппозициясы нааразылык акцияларын улантатСтуденттер үгүт ишине катышканы үчүн ОшМУнун ректору кызматтан алындыЕвропа Кеңеши Беларус менен виза режимин жеңилдетүү келишимин жарым-жартылай токтоттуБажы: Айдоочуларды санаага салган санитардык зона "Хизб ут-Тахрир" кыймылынын түштүктөгү лидери кармалды