Хоккей боюнча Эл аралык федерация (IIHF) Орусияны 2023-жылы дүйнө чемпионатын өткөрүү укугунан ажыратты. Мындай чечим федерациянын кеңеши тарабынан 26-апрелде Цюрихте өткөн жыйында кабыл алынды. Анын себеби коопсуздукка байланыштуу деп түшүндүрүлдү.
Кеңеш буга чейин юниорлор арасында дүйнө биринчилигин Омск жана Новосибирск шаарларынан башка жерге которууну чечкен. Өткөн айда федерация Украинадагы согушка жооп катары Орусияны жана Беларусту быйылкы дүйнө чемпионатынан четтеткен.
2023-жылкы чемпионат кайда өтөрү келерки айда Финляндиядагы дүйнө биринчилигинде аныкталмакчы.
Орусия Украинага басып киргенден бери бир топ орусиялык спортчулар дүйнөлүк жарыштарга катыштырылбай калган.
Дагы караңыз
Жапаров Франциянын президенти Макронду жеңиши менен куттуктадыСанду Приднестровьедеги чабуулдарды чыңалууну курчутуу аракети деп атады“Кабар” маалымат агенттигинин жетекчиси алмаштыЖогорку сот Саркарбаевди актаган чечимдери жокко чыгарды