Жаратылыш ресурстары, экология жана техникалык көзөмөл министрлиги 2026-жылдын сегиз айында Кыргызстанда көлдөрдө жана суу сактагычтарда 206 рейд өткөрүлүп, 101 миң 250 метр синтетикалык тор жана 1910 кг таштанды чыгарылганын кабарлады.
Министрликтин маалыматына ылайык, Ысык-Көлдө 102 рейд болуп, 40 миң 200 метр синтетикалык тор жана 940 кг таштанды чыгарылган. Соң-Көлдө 24 рейд өткөрүлүп, 15 миң 50 метр синтетикалык тор тазаланган.
Токтогул суу сактагычынан 42 миң 250 метр, Орто-Токой суу сактагычынан 200 метр жана Киров суу сактагычынан 3550 метр синтетикалык тор чыгарылган.
Президент Садыр Жапаров быйыл апрель айында тиешелүү кызматтар акыркы беш жылдан бери Ысык-Көлдү синтетикалык торлордон тазалап бүтө албай жатканын айтып, элди табиятты таза кармоого чакырган. (BTo)