Айзада Касмалиева

Август 22, 2010

Коомдук парламент: Шайлоо мыйзамсыз жарыяланды

10-октябрда өтө турган шайлоонун жарыяланышы Конституцияга жана Конституцияны колдонууга киргизүү мыйзамына каршы келет. Бул туурасында “Азаттыкка” берген маегинде коомдук парламенттин мүчөсү Касымбек Раимкул уулу билдирди. Анын айтымында 7-апрель окуяларынан кийин тарап кеткен коомдук парламент кайра түзүлүп, ишке киришти.

ЖККУга мүчө өлкөлөрдүн башчыларынын бейформал саммити

Август 22, 2010

ЖККУ саммитинде - Кыргызстан башкы маселе

ЖККУга мүчө өлкөлөрдүн башчыларынын Ереванда өткөн бейформал саммитинде Кыргызстандагы кырдаал негизги маселе катары талкууланды. Жыйында Кыргызстанга атайын аскердик техникадан жана гуманитардык жардам көрсөтүү чечим дагы бир ирет колдоого ээ болду. Учурда жардам көрсөтүүнүн жол жоболору аныкталып жатат.

Август 18, 2010

А. Сарыбаев: "...бул өкмөт эч качан кризистен чыгара албайт"

Кыргызстандагы экономикалык кризистин белгилери жана себептери жөнүндө экономикалык илимдердин доктору, талдоочу Айылчы Сарыбаев "Азаттыкка" ой-пикир бөлүштү.

Август 17, 2010

Ж. Жекшеев: Түштүктөгү калаба алдын-ала даярдалган

Түштүктөгү кандуу окуяларды иликтөө боюнча Улуттук комиссиянын мүчөсү Жыпар Жекшеев иликтөөлөрдө бул иш алдын ала атайын даярдалганы, куралчан топ бейкапар жаткан кыргыздарга катылып, бүлгүн салганы белгилүү болгонун айтат.

Өктөмкан Абдуллаева, Кыргызстандын вице-премьер-министри.

Август 17, 2010

Ө. Абдуллаева: Түштүктөгү мектептерде коопсуздук чараларын иштеп жатабыз

Кыргызстандын вице-премьер-министри Өктөмкан Абдуллаева калаба болгон аймактардагы мектептердин абалы, жаңы окуу жылына даярдыктар боюнча кеп салып берди.

Август 16, 2010

Шайлоого катышуу ниетин 57 партия билдирди

БШК төрагасы Акылбек Сариев партиялардан шайлоого катышуу үчүн билдирүү кабыл алуу мөөнөтү аяктаганын, мындай билдирүү жолдогон партиялардын саны 57ге жеткенин "Азаттыктын" түз обосунда айтып берди.

Август 16, 2010

О. Молдалиев: Эл аралык уюмдар бир беткей сүйлөп жатат

Саясат таанучу Орозбек Молдалиев Кыргызстанда ЕККУнун полициялык кеңешчи тобунун келишине эле эмес жалпы эле эл аралык уюмдарга каршылык күчөп баратканын белгилейт. Анын баамында, буга негизги себеп - эл аралык уюмдардын Ош окуяларына бир беткей, туура эмес баа берип жатканында.

Август 10, 2010

Дагы бир тополоңдун жолу тосулду

Улуттук Коопсуздук кызматы тарабынан массалык тополоң уюштурууга аракет кылган беш адам кармалып камакка алынды. УКМКнын басма сөз кызматы кармалгандар 9-августка массалык тополоң уюштурууну пландаштырышканын жана алардын иш-аракеттери Бакиевдер тарабынан каржыланганы жөнүндө билдирүү жасады.

Август 09, 2010

Шайлоо мөөнөтү жарыяланар саат жакын

Парламенттик шайлоонун мөөнөтү бүгүн-эртең жарыяланып калышы мүмкүн. Бул жөнүндө БШКнын төрагасы Акылбек Сариев “Азаттыкка” курган маегинде билдирди. Анын айтымында, шайлоо жарыяланган күндөн тартып беш күндүн ичинде шайлоого катыша турганын партиялар БШКга жазуу жүзүндө билдириши керек.

Июль 28, 2010

Эсенкул Өмүралиев: Донорлордун акчасы көзөмөлдөнүш керек

27-июлда Бишкекте өткөн эл аралык каржы уюмдарынын, донор өлкөлөрдүн жыйынында Кыргызстанга 1,1 миллиард доллар жардам берүү жөнүндө чечим кабыл алынды. Буга байланыштуу “Азаттыктын” суроолоруна мурдагы вице премьер-министр Эсенкул Өмүралиев жооп берди.

Өмүрбек Бабанов, "Республика" партиясынын төрагасы.

Июль 24, 2010

“Республика” партиясы Шайлоо кодексине киргизилген айрым өзгөртүүлөргө каршы

Партиянын лидери Өмүрбек Бабанов шайлоочу катталган жерине барбастан, жашап жаткан жериндеги шайлоо бекеттеринен добуш бере алат деген жобо шайлоодо мыйзам бузууларга жол ачат деп эсептейт.

Июль 19, 2010

М. Ниязов: Кыргызстандын түштүгүнө АКШ жана Орусия базалары керек

Кыргызстандын түштүгүнө АКШ менен Орусия тараптан база жайгаштыруу маселесенин айланасында Коопсуздук кеңешинин мурдагы катчысы, генерал Мирослав Ниязов «Азаттыкка» маек курду.

Июль 16, 2010

Кан тополоңду иликтөөгө эл аралык комиссия келет

Президент Роза Отунбаеванын жарлыгы менен Ош жана Жалал-Абаддагы кандуу окуялардын чыгыш себептерин, кесепеттерин ар тараптуу иликтөө боюнча Улуттук комиссия түзүлдү. Бир эле учурда кан тополоң окуяларды эл аралык көз карандысыз комиссия келип иликтеп, улуттук комиссия менен бирге иштешине кыргыз бийлиги макул болду.

Июль 12, 2010

Кыргыз жаштарын эмне ойлонтот?

Бүгүн дүйнө коомчулугу Калкты жайгаштыруу күнүн белгилеп жатат. Анын ичинде Кыргызстан жаштары да калкты жайгаштыруу жаатында өздөрүнүн иш багыттарын аныктоо менен алек болууда. Учурдагы калктын 48 пайызын түзгөн жаштарды кандай көйгөйлөр ойлонтот? Аларды чечүү жолдору жана көрүлүп жаткан аракеттер туурасында Кыргызстандын жаштар министри Алиасбек Алымкулов “Азаттыкка” маек куруп берген.

Июль 09, 2010

Т. Исмаилованын эмне үчүн өлкөдөн чыгып кеткенин Ф. Кулов билбейт

“Жарандар коррупцияга каршы” укук борборунун башчысы Төлөйкан Исмаилова өзүнүн жана үй-бүлөсүнүн коопсуздугун коргоо максатында өлкөдөн убактылуу чыгып кеткенин “Азаттыкка” өзү билдирген. Укук коргоочу аны коркунуч тооруп турганын “Ар намыс” саясий партиясынын лидери Феликс Кулов да эскерткенин айткан эле. Ф. Кулов өз кезегинде бул маалыматты төгүнгө чыгарууда.

Июль 06, 2010

Кандуу калабанын себептерин мамлекеттик комиссия иликтейт

Убактылуу өкмөт өлкө түштүгүндө болгон кандуу окуялардын себептерин иликтөөчү комиссия түзүп жатат. Бул боюнча Убактылуу өкмөттүн идеология жана коомчулук менен байланыш бөлүмүнүн жетекчиси Эркингүл Иманкожоева “Азаттыктын” түшкү түз обосунда кеп салып берди.

Июль 01, 2010

О. Дүйшөев: Кен байлыктар элдин пайдасына иштеш керек

Кыргызстандын Тоо-кенчилер бирикмесинин төрагасы Орозбек Дүйшеев Кара-Кече көмүр кениндеги абал боюнча “Азаттыктын” түшкү түз обосунда кеп салып берди.

Июнь 29, 2010

Т. Акун: Майда-барат кемчиликтер үчүн референдумду каралабаш керек

Референдумдун жүрүшүнө Акыйкатчы институтунан 90дон ашуун байкоочу көз салып турду. Алар референдумдун таза өткөнүн айтып жатышат. Бирок айрым саясатчылар референдум жыйынтыктарынын тууралыгынан шек санап, бул жерде бурмалоо бар деген билдирүү жасашты.Акыйкатчы Турсунбек Акун ушундай сын билдирүүлөргө карата жообун айтып, аларды негизсиз деп белгиледи.

Орус президенти Д. Медведев Канададагы "Чоң жыйырманын" саммитинде сөз сүйлөп жатат. Торонто, 27-июнь.

Июнь 28, 2010

Орус президенти Кыргызстандагы өзгөрүүлөрдөн эмне үчүн күмөн санайт?

Орусия президенти Дмитрий Медведев Торонтодогу саммит учурунда Кыргызстанда парламенттик башкаруу идеясы кандайча ишке ашаарын элестете албасын билдириши кыргыз коомчулугунда ар кыл пикирлерди пайда кылды.