Пакистандык адвокат Асма Джахангир айым бул билдирүүсүн Ооганстанды кыдырып чыккандан кийин, жасады. Өлкөнү 10 күн бою кыдырган адвокат айрым жерлерде аскердик аракеттер менен өз ара араздашуу басыла эликтигине карабастан, адам укуктарынын абалы өлкөдө жалпысынан жакшырганын айтат. Джахангир өлкөдөгү адам укуктарынын абалы жөнүндө Улуттар Уюмунун адам укуктары боюнча комиссиясына баяндап, өткөн 23 жылдын ичинде орун алган укук бузууларды иликтөө үчүн атайын топ түзүүнү сунуш кыла турганын билдирди.
Улуттар Уюмунун көз карандысыз эксперти Ооганстандагы укук бузууларды териштирип чыгуу үчүн уюм көз карандысыз эл аралык комиссияны түзүүгө тийиш деп билдирди.
