Париж шаарында жайгашкан жана финансы тармагын көзөмөлдөгөн эл аралык уюм бүгүн Украинага каршы чара көрө тургандыгын жарыялады. Уюмга дүйнөнүн 30га жакын мамлекети мүчө болуп кирет жана анын айтымында, Украинада арам акчаны адалдоого жетиштүү бөгөт коюлган эмес. Уюм эми мүчө-мамлекеттердин бизнесмендерине жана компанияларына - Украинага инвестиция жасоо боюнча өз сунуштарын айтат. Өткөн аптада Украина парламенти коррупцияга каршы мыйзамды өткөрбөй койгон.
