Пакистандын полициясы жарыялаган маалыматка караганда, 20-декабрь күнү Карачи шаарында америкалык түзүлүштөргө кол салууну көздөгөн төрт адам кармалды. Алар - "Жэйш-и-Мухаммед" аттуу диний экстремисттик топтун мүчөлөрү, ал топ болсо - "Уолл стриит джорнел" гезитинин кабарчысы Дэниел Пөрлдүн өлүмүнө жооптуу деп эсептелинет. Кармалгандардын бирөө Карачи шаарындагы мейманканада жашаган америкалыктарга чабуул жасоону көздөгөнүн мойнуна алды. Анын айтымында, ага көмөктөшкөн эки араб адамдын "Аль Каида" уюму менен байланышы болгон.
