Лондондогу пресс-конференцияда Пентагондун башчысы Доналд Рамсфелд бул үчүн коалицияда жетерлик контингент бар экенин белгилеп, гуманитардык кырдаалды жана кайра куруу иштерин илгерилеткенге мүмкүндүктөр түзүлө тургандыгына ишендирди. Лондондо Рамсфелд британ коргоо министри Жеффри Хун менен сүйлөшүүлөрдү өткөрдү. Жума күнү америкалык командачылык эски режимдин дагы үч мүчөсү кармалгандыгын билдирди. Хундун сөздөрү боюнча, коалиция Ирактын мурдагы жетекчилерин издеп табат жана алар кылмыштуу иштери үчүн өз жазасын алат.
