БИШКЕК. 19-августта мурдагы СССР бийлигин күч менен алмаштыруу максатында өзгөчө абал киргизилгенине 12 жыл толду. Бул күнгө республикада маани деле берилген жок. Өзгөчө кырдаал жарыялаган мамлекеттик комитеттин аракетине кайчы билдирүүлөр менен ал кезде Кыргызстандын Жогорку Кеңеш төрагасы Медеткан Шеримкулов, президент Аскар Акаев чыгышкан. Ал кездеги ички иштер министри Феликс Кулов тынчтыкты сактоого олуттуу салым кошкон. Бул тууралуу шейшембиде Кыргызстан демократиялык кыймылы партиясынын негиздөөчүсү, өзгөчө кырдаалга байланыштуу ошол кезде чукул түзүлгөн КДК штабынын башчысы Жыпар Жекшеев маалымдады.
