Юстиция министрлиги «Демократия жана атуулдук коом үчүн» бейөкмөт уюмдар коалициясын каттоодон баш тартты

БИШКЕК. «Демократия жана атуулдук коом үчүн» коалициясынын кайра каттоо тууралуу сунушуна макулдук берүүдөн Юстиция министрлиги үчүнчү ирет баш тартты. Бул тууралуу бүгүн коалициянын президенти Эдил Байсалов билдирди. Коалициянын уставына былтыр айрым ѳзгѳртүүлѳр киргизилген. Э.Байсаловдун айтымында, аларды Юстиция министрлиги «саясий түсү бар» деп баалап жатат. Ал эми юстиция министринин орун басары Нурлан Алымбаевдин сөзүнө караганда, министрлик уставдын айрым түшүнүксүз көрүнгөн жерлерин гана чечмелеп жазып келүүнү Коалициядан өтүнгөн.