БИШКЕК. Кыргызстандын акыйкатчысынын алдында коомдук адистер кеңеши түзүлдү. Акыйкатчы Турсунбай Бакир уулунун айтымында, мындай кеңештин мүчөлөрү акыйкатчыга түшкөн орчундуу маселелер боюнча талкуу жүргүзүшүп, кандайдыр-бир жыйынтык чыгарууга көмөктөшөт. Азыр кеңештин курамына жазуучу Мар Байжиев, депутат Алишер Сабиров жана бейөкмөт уюмдардын өкүлдөрү киришти. Кеңештин алгачкы жыйыны 19-декабрда Бишкекте өтө турган болду.
