Еврокеңештин парламенттик ассамблеясы бу өлкөдөгү адам укуктарынын, анын ичинде оппозиция мүчөлөрүнүн абалына байланыштуу айрым уюмдардын маалыматтарын угат. Өткөн жумада америкалык Human Rights Watch уюму Азербайжан бийликтери былтыр октябрдагы президенттик шайлоодон кийин кармалган оппозициялык бир катар лидерлер менен активисттерди алиге чейин абакта кармап жаткандыгын, аларга ырасмий түрдө күнөө кое электигин, тескерисинче, мыкаачылык ыкмалар менен кыйнап жаткандыгын кабарлаган эле.
